分類
Uncategorized

1.1 前言

呢個網其實係一個濕疹人士嘅分享嚟嘅,不構成任何醫療建議。
不過我已經盡量加上專業人士嘅解說係入面(因為我最鐘意做資料搜集),希望即使有錯,亦唔好錯得太離譜啦。

而係呢個網,用最廣義嚟講,敏感係泛指對某物有負面反應。

濕疹係一個好多人經歷過或者經歷緊嘅事,
佢嘅不適同影響的確會令好多人會花好多金錢去醫佢。
但係花咗錢唔一定會好,錢事少,最可惜嘅係浪費左時間,同埋損耗咗你嘅心力。

心力係一個好重要嘅資源。
當你用過好多方法去減肥都唔成功,你會放棄。
當你追極都追唔到女仔,你又會放棄。
所以如果你同我一樣都濕疹咗十幾廿年,兄台,明嘅,係會唔想繼續試嘅。
不過咁喎,十幾廿年前你同我都仲細,手提電話都未上到網啦。
而家資訊流通咁多,再試多一試,睇多一睇,都無壞呀~

我都可以由皮開肉裂不斷結焦不斷r 到手指甲都係血,痕到集中唔到脾氣勁差,
變到而家用錯嘢先有少少痕同少少水泡,成績都算唔錯啦可。
所以你都得架~😁
一齊試多次啦~

發佈留言

發佈留言必須填寫的電子郵件地址不會公開。 必填欄位標示為 *