分類
Uncategorized

2.1 我對乜嘢有敏感?

首先睇下醫生define 嘅敏感先:

觸發咗免疫系統反應,出現不舒服、行動受限、變衰弱、死亡等。

以下係食物敏感同其他嘢嘅分別:

食物過敏(food allergy)症狀會在幾秒或幾分鐘內出現,然後持續幾小時。係免疫系統對食物蛋白質一種反常嘅反應,會產生免疫球蛋白E。
食物致敏化做測試對某食物有產生免疫球蛋白E 唔代表有過敏。要睇埋你平時食果樣野有無出事。
食物不耐(food intolerance)簡單地意謂你無法忍耐某種食物。雖然症狀與過敏症狀有重疊,但兩者仍然不同,食物不耐與免疫反應無關。缺乏酶係食物不耐的常見原因。


而係呢個網,敏感係泛指對某物有負面反應。寬到一個點!

咁我對乜嘢敏感呢?哇,呢個就精彩囉,搵得到出嚟就已經好好。
到而家我仲有細細一撻關節位嘅濕疹仲未搵到源頭或者解決方法。

以下已經係獨立一樣嘢嘅敏感方式,你可以想像下將佢合埋一齊有幾壯觀。

生蝦 3 隻嘴唇變孖潤腸,喉嚨都腫腫地
乳製品多過少少腸胃唔舒服(乳糖不耐),個人唔聚財,面生暗瘡,手生粒粒
洗頭水1 至 3 次手腕起粒粒好痕,頭少少痕,手背起瘡,廣泛面紅甩皮
洗面奶2 次廣泛面紅甩皮或者發炎出水
潤膚霜1 至 3 次紅,痕,起粒粒
面膜1 次面痕痕地。有一次輕微曬紅左再敷,變左豬頭。
塵/ 霉/ 塵蟎 /
換季未洗嘅衫/ 污糟嘢
即刻接觸會即刻好痕,聞到會個人唔聚財同好易眼訓

因為對好多水狀product 有敏感,尤其洗頭水最嚴重啦,所以我應該就係對防腐劑(防止含水東東腐敗)同界面活性劑(用於混合油+ 水,乳化劑都係同一類嘢)敏感啦。
我而家仲用緊普通牙膏,入面都無乜可能無呢啲嘅,所以之後會試下代替品咁。

而用”敏感會即刻有反應”嚟睇,我諗唔明點解我用某種洗頭水會係第三次先有事。
如果你知麻煩講比我知。

其實去到呢一度,我已經好滿意—都唔使太分敏感嘅定義啦,總之有唔好嘅反應,咪避開佢囉。
食蝦三隻有事呀?咁咪淨係食兩隻囉。

發佈留言

發佈留言必須填寫的電子郵件地址不會公開。 必填欄位標示為 *