分類
Uncategorized

2.3 仲試過啲咩方法?

除左好得番嘅方法之外,當然都試過唔少好唔番嘅方法啦。不過要講番,對我無效唔一定對你無效。而且因為我有幾個致敏原,即使A 方法有效,只要其他野繼續令到我敏感,A方法個效果亦會好難睇得出嘅。

所以就要睇重點post — 點搵自己對咩敏感啦。

以下係我試過但無乜用嘅方法。

類固醇藥膏個用量已經好似handcream 咁,但都好痕,好番嘅位一晚就r 爛番。
濕疹洗頭水驚用得太多唔好,所以夾住普通洗頭水咁用。而家諗番,如果用佢嚟取代普通洗頭水,會唔會有用呢?
手工皂有兩種唔同反應。第一種會令到頭髮起晒皂垢,雖然每次有落醋,但都好勁,維持左幾個月之後無心機。呢個時候手係無咁嚴重嘅。第二種就係皂垢少好多,我可以幾次先用一次醋去中和,但塊面就紅晒會甩皮。唔知點解。
保濕乳霜哈哈哈,手用就痕,面用就紅。
敏感藥會好眼訓,完全集中唔到,只係令你無咁痕,唔係令你好轉。一停就無用。
戒口太廣泛嘅戒口又好難維持嘅。而且果陣未搵到個主要源頭:洗頭水,自然都睇唔出戒左另一個源頭:乳製品嘅效果。
浸海水唔知點解係會令傷口快咗埋口。一唔浸就無用。
戴手套透明膠手套係廢嘅,會入水。洗碗手套係廢嘅,你唔會肯用佢去洗頭直到睇得出效果。另外訓覺用嘅棉手套都係無用,都係繼續會r 到痴滿血跡。
中藥浸劑傷口會快咗結焦,啲焦黑色嘅好顯眼。涼涼地。一唔浸就無用。
食中藥係會好轉嘅,但你一路對住啲致敏原又一路醫,就好似一路刀仔拮大髀再痴膠布咁。而且中醫唔平呀,好快會停。
呀媽幫我洗頭係囉,我都諗咗陣點解呢個都唔得,可能因為我有用handcream 囉,唉。

唔啱我未必唔啱你,分番好類別,知道佢起作用嘅原因,咁就可以啦。
例如你淨係搽類固醇藥膏,但從來都無避免刺激同預防過敏;
又或者淨係戒口,但繼續掂到啲刺激物,咁就好難事半功倍啦。

可以睇埋濕疹類型

避免刺激手工皂(但亦可能刺激)
預防過敏 戒口
戴手套
呀媽幫我洗頭
消炎、止癢,並且預防感染類固醇藥膏
濕疹洗頭水(但可能刺激)
敏感藥
中藥浸劑
預防過敏消炎 食中藥
積極保濕保濕乳霜(但係刺激)
不明浸海水

發佈留言

發佈留言必須填寫的電子郵件地址不會公開。 必填欄位標示為 *