關於呢個網

點解要起呢個網呢?
因為我出嚟做嘢之後,見到身邊原來好多人都有濕疹。
佢地十分之強,雖然佢地咁唔舒服,但都能夠保持好好嘅脾氣,對人好友善。
我自問一定做唔到…

於是我就諗啦,呀,不如搵個機會行過同佢講聲我點好番架啦。
不過跟據正常人講法,呢個應該係一個十分不禮貌嘅行為。
然後我再諗啦,不如約佢地食餐飯,講下我點好轉啦。
但比著我都唔想同個唔熟嘅人,食成餐飯係圍繞住件傷心事。

於是經過兩年幾嘅醞釀,呢度終於出世啦!

希望呢度可以比到少少支持你地,可以繼續將開心快樂散發出去啦!

亦都希望你地關心嘅每一個人都健康快樂~